«Жолаушылар тасымалы» АҚ қабылдау бөлмесінің және құрылымдық бөлімшелерінің байланыс телефондары

Темір жол билеттерін сатып алу тапсырысына ақы төлеу банктің төлем карталарының көмегімен жүзеге асырылады. Банктің картасы бойынша төлеу тапсырыс расталғаннан кейін жүргізіледі. Тапсырысқа ақы төлеуі туралы шешім қабылдауға және банктің картасының деректерін енгізуге 10 минут беріледі. Белгіленген уақыттан асып кеткен жағдайда, Сіздің тапсырысыңыздың күші жойылады.

Тапсырысқа ақы төлеу кезінде банктің картасының келесі параметрлері енгізіледі: картаның нөмірі және әрекет ету мерзімі, сондай-ақ, үштаңбалы коды (CVV2 немесе CVC2). Интернет жүйесінде Сіздің банк картаңыз бойынша ақы төлеу ерекшеліктері туралы түсініктемелер, төлемнен бас тарту себептері жөнінде Сіздің банктің қолдау қызметіне хабарласуыңыз қажет.

Тапсырысты төлемес бұрын, енгізілген ақпаратты мұқият тексеріңіз! Тапсырысқа ақы төлеуге шешім қабылдау және банк картасынан деректер енгізу үшін 10 минут беріледі. Төленген тапсырыс белгіленген нысандағы темір жол билеттерін алумен ресімделуі тиіс.

Банктің картасына ақша есептеу немесе есептен шығару кезінде даулы мәселелер туындаған жағдайда, Өзіңіз банк картасының ұстаушысы болып табылатын банкке хабарласу қажет.

Төлем рәсімінің қауіпсіздігі (SSL) трафигті шифрлеу құралдарын қолданумен қамтамасыз етіледі.

Тапсырысқа ақы төлеу рәсімі жүргізілгеннен кейін токен қалыптастырылады – тапсырыс деректері бар баспаға әзірленген құжат. Токенді міндетті түрде басып шығарыңыз немесе тапсырыс идентификаторын есте сақтаңыз, ол бойынша билет кассасында темір жол билеттері ресімделеді.

Назар аударыңыз! Тапсырыс сәйкестендіргіші (14 цифр) Сізге ғана белгілі, токенсіз немесе тапсырыс сәйкестендіргішінсіз темір жол билеті ресімделмейді.

Егер токен жоғалса немесе Сіз тапсырыс сәйкестендіргішін ұмытып қалсаңыз, өзіңіздің пароліңізбен Менің тапсырыстарыма кіріңіз және Сізге керек тапсырысты тауып алыңызда тапсырыс туралы нақты ақпаратты қараңыз. Қажет болса тапсырыс туралы ақпаратымен токенді қайтадан басып шығарыңыз.

Токен темір жол билеті болып табылмайды және жол жүру құқығын бермейді

Темір жол билеттерін ресімдеу (басып шығару) тек қана Қазақстан Республикасының т/ж вокзалдарында поезд жүруге дейін немесе жолаушы отырған станциядан ішкі қатынастағы поезд жүріп кеткен соң 12 сағаттың ішінде жүзеге асырылады. Ресімдеу (басып шығару) токен негізінде немесе тапсырыс сәйкестендіргіші (14 цифр), бойынша, жолаушылардың біреуіне тапсырыста (токенде) көрсетілген оның жеке басын куәландыратын құжаты бойынша немесе тапсырыста көрсетілген (токенде) құжаттарын көрсеткен сенімді тұлғаға жүргізіледі.

Тапсырыста (токенде) көрсетілген барлық темір жол билеттері бір уақытта ресімделуге тиісті, ішінара ресімдеуге болмайды. Интернет арқылы сатылған темір жол билеттеріндегі жолаушылардың дербес деректері билет кассасынан берілген кезде өзгертілмейді.

Темір жол билеттерін қайта ресімдеу жүргізілмейді.

«Экспресс-3» жүйесінің технологиялық үзілісі Астана уақыты бойынша 4 сағ. 50 мин. бастап 5сағ. 50мин. дейінге темір жол билеттерін сатуға және алуға тапсырыс ресімдеу жүргізілмейді.

Төлем картасын қолданып Интернет арқылы сатып алынған темір жол билетінен бас тарту, Клиенттің карт-шотына есептелген соманы қайтару Витринада билетті тапсырыс берілген сәттен бастап бір сағат ішінде және поезд жүруге 48 сағат қалғанда сатып алса жүргізіледі.

Пайдаланылмаған темір жол билеті үшін тиесілі ақша қаражатын қайтару қолма-қол ақшамен жүргізіледі.

Қазақстан Республикасы көлік және коммуникациялар министрінің 2004 жылғы 18 наурыздағы №122-І бұйрығымен бекітілген, Қазақстан Республикасының темір жолда жолаушылар, жолжүк және жүк тасымалдары ережесінің (бұдан әрі – ереже) 10 тарауы,94т. сәйкес пайдаланылмаған жол құжаттары (билеттер) үшін жолаушыға қайтарылады;

- жол жүру бағасының толық құны- поезд жүрерден 24 сағат бұрын;

- билеттің бағасы және 50% плацкарттың бағасы- 24 сағаттан кем, бірақ поезд жүруге 6 сағат қалғанда;

- билет құны, сонымен бірге плацкарттың бағасы ұстап қалынады- поезд жүруге 6 сағаттан кем, поезд жүріп кеткеннен 3 сағаттан кейін;

Мемлекетаралық қатынаста жол жүретін 5 жастан 10 жасқа дейінгі балаға «балаға арналған» тариф бойынша жеке орнымен темір жол билеті сатып алынады.

Мемлекетаралық қатынаста жол жүретін 10 жастан 15 жасқа дейінгі балаға темір жол билетін сатып алған жағдайда Қазақстан Республикасы аумағында жол құны билеттің толық бағасының елу пайызын құрайды, ал басқа мемлекет аумағында жолдың толық бағасы алынады. Қазақстан темір жолдарына қалыптастырылған поездардағы/вагондардағы плацкарттар бағасы толық бағаның елу пайызына тең, ал басқа темір жолдарда қалыптасқан поездарда /вагондарда толық тариф бойынша алынады.

Бала билеті бойынша жол жүретін жолаушылар үлкендердің бірге жүруінсіз жіберілмейді.

Баланың жасы жол жүретін күнге анықталады.

ТМД мемлекеттеріне (Әзербайжан Республикасы, Қазақстан, Қырғызстан, Белоруссия, Украина, Тәжікстан Республикалары, Түркменстан Республикалары, Өзбекстан Республикасы, Молдова Республикасы), Латвия Республикасына, Литва Республикасына және Эстония Республикасына жол жүруді ресімдеместен бұрын мемлекеттік шекарадан өту тәртібін құзырлы атқарушы органдардан, болмаса тиісті елшіліктердегі консулдық бөлімдерден нақтылап алыңыз.

Интернет арқылы сатып алынған билеттерге байланысты барлық мәселелерді, Vitrina @ railways. kz, электрондық адресіне қойыңыз, Интернет-пейджер бойынша ICQ #476756466 және келесі телефон нөмірлеріне: 8-717-2-31-77-26; 8-717-2-93-42-94.

Интернет арқылы авторландыру жүргізуге Банк келесі лимиттерді белгіледі (АҚШ доллары баламасында):

Клиент белгіленген лимиттерден бас тартқан жағдайда Банктің бөліміне хабарласуы қажет. Клиент лимитсіз қызмет көрсетуді қажет еткен жағдайда Авторландыру Орталығына, мына телефон нөмірлеріне хабарласуы тиіс: +7 (727)2590-375; 2590-249.

Қол жеткізуге берілетін кезеңнің ең азы- тәулік, ең жоғарысы – карточканың қолданыста болу мерзімі.